الاختيار ااصعب فى الوجود

هو الاختيار الصعب بالفعل!
أن تختارهم أو تختارها!
هم ...... ولدك و ولدتك .... من ربوك وسهرو ليالي عشانك ..... امك اللي مفيش في الدنيا شيء يوفي جميلها عليك ... والديك انت اغلي ما عندهم ....

هي .... من احببتها .... امتلكت عقلك .... تفكيرك .... قلبك .... كانت حبيبه لك واتمنتها زوجه وام لاولادك ...
.
.
.

الاختيار

:سبب الاختيار:
هم ..... مينفعش تتجوز البنت دي .... مستوي / بنت عمك هتتجوزها / مصرين انك تتجوز اللي هما اختاروها ....
انت ... متمسك بحبك الوحيد ... اللي عيشت تحلم بيه
.
.
.

وييجي وقت الاختيار ....

يأما تضحي باهللك وبالعلاقة اللي دامت سنين بينكم .... وممكن يكون انقطاعك بيهم يعدي بمرور الوقت او للابد .....
او تضحي بمن احببتها .... وهيكون للابد ...... للابد
.
.
.
من تختااااااااااااااااااااااااااااااااااااااااااااااا اااااااار؟
سؤل من كلمتين بس اجابه صعبه اوي واحتمال الوقوع في موقف زي دا وارد اوي اد ايه
عارفين ان الاهل بيهتمو بمسقبل اولادهم ويحبو يوصلهم الي بر الامان من وجهة نظرهم
......
وياريت مشاركة البنات

انا عن نفسى لازم اولا اتمسك بحبى الوحبد واحاول على قد ما اقدر يبقى معايا الاتنين ومش حستسلم بسهوله
بس لو لزم الامر اكيد حضحى بحبى
علشان الاب والام مش حيتعوضو ابدا ولو هما ظلمونى ربنا حياخدلى حقى لكن انا لو ظلمتهم انا الى حتاذى ف حاجات كتير اوى
وممكن يكون اختيارهم هما الصح وانا مش شايفه

انا اكيد من غير ما افكر هختار حبيبتى عشان لو اى حد اهلو بيحبوه واكيد طبعا اى حد كده حيكونوا عايزين يشوفوه مستريح مع اللى بيحبها وهما ممكن لو هما مش عايزين البينت دى اكيد حايخدوا وقت زعلانين بس فى الاخر خلاص حينسوه وشكراااااااااااااااااااااا يا تيمو على الموضوع

انا رأيي زي مجنون حبيبتى اكيد مش هضحى بأهلى لان لو ضحيت بأهلى اللى كبرونى وضحو عشانى كتير بتعتهم فى لحظة علشان واحد حبيته لسة عرفاه من سنة سنتين قولو عشرة يبقا المفروض يعرف انى هضحى بيه برضو فى يوم من الايام اذا كنت بعت اهلى يبقا هبقى عليه انا ممكن اقولك خلينى اعدة جنبكم واكيد فى الاخر لما يلاقونى مصممة يوافقو

انا حغير رأيى عشان ممكن يكونوا الاهل هما الصح وانا الغلط وفى الحاله دى اسمع كلامهم مع ان هما سابولى الاختيار وقالو رأيهم اه انه مينفعش بس اكيد هما الصح واكيد حضحى بحبيبتى فى الحاله دى