وبعد الحب ما مات والجراح راحت؟

اكيد الحب كان كبير وحقيقى بجد عشان كده جراحه كانت اكبر وده اللى ممكن يحصل لاى حد مننا عاش قصه حب وكانت جميله وللاسف انتهت بجراح اكيد عاش فتره كبيره بعديها مابين انه بيفتكر الايام الحلوه وليه خلصت ومابين جرح حبيبه اللى كان اغلى حاجه عنده وبتفضل الفتره دى والجراح مولعه فى قلبه ودى بجد بتكون اصعب فتره الواحد بيمر فيها بتكون عايش فى زهولو وكل ثانيه بيسال نفسه معقول الجرح ميجيش الا من الحبيب ولكن مع الايام بيستوعب الموقف وبيعرف ان الحكايه فى الاول وفى الاخر نصيب وملناش يد فيه والحب بيروح بس الذكريات مش بتروح وده طبيعى والمهم ان الجراح بجد بتخف بس المشكله فعلا فى اللى جاى ... الحياه مستمره وفى ناس هتقبلهم واكيد هتفكر تحب تانى بس هو الحب ده هيكون عامل ازاى؟ احنا اكيد متفقين ان حب زمان مات خلاص, اما الحب الجديد ده انت ناوى على ايه فيه ناوى تدى كل اللى عندك زى زمان ولا هتخاف. معاك لو خفت بس ايه زنب حبيبك الجديد مش يمكن بجد هو غير اللى انجرحت منه وناوى يحبك بجد, دلؤتى المشكله عندك انت,ممكن تفكر وتقول لنفسك انا اسيبه يحبنى براحته وانا كفايا عليا كده عشان منجرحش,بس انت كده ظلمته وظلمت نفسك لانك بتعذب واحد عايش عشانك,امال ايه ,تحب وتسيب نفسك واللى يحصل بس انت دؤت طعم الجرح ومش عايز تجربه تانى,فعلا مشكله, والمشكله الاكبر ان القلب باى اسى وبقى جامد....... يعنى انكتب عليا اعيش من غير حب عشان ولا أأذى حد ولا أأذى نفسى,بجد حاجه تحير,هى ممكن تكون سهله عند اللى مجربهاش بس اللى عاشها هو اللى ممكن يحس بيها ويعرف قيمه المشكله......... ياريت لو فى حل كويس حد يقولو . اسف على الازعاج

ربنا يعطيك العافية بس انا مش هقدر افيدك لاني مجربتش الحب ومش عايزة اجربه للاني بكل بساطة مش عايزة انجرحوهخليها علي الله الحب شئ جميل بس احنا فهمينه خلط الحب كلمة سهلة معناها صعب اللي يقدر يفهمةوربنا مع كل واحد انجرح من حبيبه بس متفكرشي بطريقة ده كل شئ نصيب ومكتوب لاتنتظرحبيبا باعك وانما انتظرضوءا جديدا فاذا لم تجده فلا تكره نفسك وانا معاك انك من تظلم نفسك وتظلم الانسان اللي بيحبك وعشان كدة انا مش هحب غير الانسان اللي هيكون من نصيبي شكرا علي موضوعك الرائع ربنا يوفقك

لا انتى غلطانه انتى لازم تحبى لان الحب بجد بيخلى للحياه معنى وطعم تانى اما الجرح فهو شئ مكتوب ولو انكتبلك اى حاجه فى حياتك لازم حتحصل سواء حلوه او وحشه بس لازم تكونى متاكده ان ده نصيبك وترضى بيه وعمر ما فى اى حد ينفع يستنى حبيب باعه

الحب جميل يا جماعه اينعم انا لسه محبتش بس متفائله
وانت يا احمد انا بردو مش حقدر افيدك اوى لانى محبتش بس لو كنت اتجرحت من الحب الاولانى حترجع تحب تانى وحتنسى وحتعيش اينعم مش حتنساه بس حتحب غيره
ممكن يكون بنفس الدرجه وممكن اقل وممكن اكتر بس حتحب الدنيا مش حتقف
وانتى كمان يا gost love
خالى عندك تفائل وحبى

على رأى هيثم شاكر حكايه وقت وتعدى,بس خلى بالك يا امنيه الهضبه عمرو دياب قال انا راحتى بعدك فى وحدتى وانا معاه فى الحكايه دى ...... بجد ده مش كلام اغانى يا امنيه وده اللى بيحبنى فى عمرو دياب انه بيعرف يختار الكلام ده غير صوته