علاقه القلب بالعين

العين لها حكايه غريبه معا القلب... العين اول حاجه بتشوف الحبيب وهى اللى بتوصل للقلب وتقوله هو ده اللى انت مستنيه ويبدأ القلب يعيييش... وحتى لما تكون واقف قدام حبيبك العكس بيحصل تلاقى قلبك بيوصل لعنيك وعنيك بتكشفك قدام حبيبك غصب عنك وده دليل على ان العلاقه بين القلب والعين قويه وصعب السيطره عليها....واكيد كلنا سمعنا نجاه وهى بتغنى عيون القلب,,انا حاسس ان فى لكل قلب عيون والعيون دى سلاح ذو حدين بتكون مفتوحه وهى بتعرف القلب على حبيبه وبعد ما القلب يقع فى الحب بتلاقى العيون دى بدأت تغمض عن حاجات كتير مثلا عيوب الحبيب او تحديد نوع العلاقه ومستقبلها او ان العلاقه دى محكوم عليها بالفشل وعشان كده فى ناس بيقولوا ان الحب اعمى معقوله؟...ولو رجعنا تانى للعلاقه بين القلب والعين وقولنا انهم مشتركين فى الحب وبيكملوا بعضهم ,اكيد فى سؤال محيرنى لو فعلا العلاقه دى صح طب الاعمى بيحب ازاى ؟ ...... هو معندوش عين طب ازاى؟ بصراحه مش هقدر اقول ان العين ملهاش دور فى الحب, ومش هقدر اقول الاعمى مش بيحب.... اكيد فى اجابه بس انا مش عرفها.... لو عندكم حل ....ياريت اعرفه

موضوع جميل لغة العيون من اجمل لغات الحب اللي ممكن يعبر بيها الحبيب لحبيبه والعين مش بتغمض بس انت ممكن تكون شايف عيوب حبيبك بعنيك بس بتتغاضي عنها عشان خاطر عيون حبيبك انا اقولك الاعمي بيحب ازاي انت ناسي حاجة الاعمي ممكن يشوف بقلبه وده ممكن تبقي اقوي من العين وفي حاجة تانية ان الاذن تعشق قبل العين احياناولا انت ايه رايك يارب اكون جوبت صح

انا ممكن اكون معاكى ان القلب بيشوف الحبيب بس حكايه الاذن قبل العين دى مش متاكد منها اوى بس بجد نعمه العين دى نعمه جميله ولازم نحمد ربنا عليها وشكرا على الرد الجميل