- اقتباس :
- 1* ليه الانسان لما بيحب اوى لازم ينجرح اوى .. وخصوصا لما يحب بجد ويوفى لحبيبه؟
وليه اساسا انتو معتقدين ان اخر الحب لازم بيكون جرح اللى بيجرح حد يبقا عمره ما حبه لان اللى بيحب عمره ما بيجرح حبيبه
- اقتباس :
- *2* ياترى فى نظركم ايه اللى يخلى الواحد ممكن يتخلى عن الحب وياترى الظروف ممكن تكون سبب؟؟
كلمة ظروف دى بتنرفزنى لان اللى بيحبك حد بيفضل متمسك بيه مهما كانت ظروفة
- اقتباس :
- *3* هل الفروق الشخصيه بين الطرفين ( الماديه_التعليميه_الفكريه) ممكن تبقى سبب فى اننا نتخلى عن الحب؟؟؟
شووووووور لان لما بتقرب من الشخصية اوى ممكن تلقيها غير تفكيرك خالص فهتكمل على اساس ايه ؟؟؟
- اقتباس :
- *4*فى نظركم ايه هى الخيانه... و امتى ممكن نسامح عليها وامتى لا؟ وليه بقت موجوده؟
الخيانة ان اكون بحب حد وهو يكون بالنسبالى كل حاجة حلوة فى حياتى وهو كمان يحسسنى بده واكتشف انه على علاقة بواحدة تانية ممكن اسامح لو كنت انا اثرت فى حقة ومش مهتمه بيه ساعتها يبقا لازم انا اراجع نفسي وممكن اسامحه بقت موجوده لان الرجالة بطبعهم عنيهم زيغه وكترو دلوقتى اوى عن الاول وغير كده فى بنات بيعرفو يوقعو الرجالة كويس اوى يعنى مش بيغدو فى ايديهم غلوة زي ما بيقولو
- اقتباس :
- *5*واخيرا وليس اخرا ايهما تختاروا؟؟ الحب ولا الكرامه؟؟ وليه؟
بالنسبالى طبعا الكرامة لان لو محافظتش على كرامتى محدش هيحافظلى عليها
لازم يكون عارف ان كرامتى قبل اى حاجة تانية يعنى فى لحظة ولا يهمنى حب ولا اى حاجة
- اقتباس :
- *6* يا ترى الحب الحقيقى اختفى ولا لاء ... وايه السبب؟؟
موجود اكيد بس دايما تلاقى طرف بيحب بأخلاص والطرف التاني بايع ومش فى دماغه ومقضيها فطبعا بيسيب جرح للطرف التاني يخليه بعد كده ينتقم من كل الرجالة وهكدا لحد ما بقا كله حوارات فى حوارات والحب الحقيقي بدأ يختفى بس طبعا موجود
- اقتباس :
- فى سؤال سابع يا عمروو,,,,لسه فى البنت اللى ممكن تخلى حبيبها كل حاجه واهم حاجه فى حياتها ؟
حبيت اجاوب على سؤالك يا احمد
البنت لما بتحب بيبقا حبيبها بالنسبلها كل حاجة فى حياتها ومش بيملى عينها اى حد غير حبيبها وبس لكن الرجالة عكس كده تماما مع اول بنت تقولو كلمتين حلوين يقع على طول رغم ان ممكن تكون ولا شكل ولا منظر بس اهو بيقع وخلاص وطبعا ده مش فى كل الرجالة وكذلك البنات مش كلهم زي ما انتا متخيل فى بنات لما بتحب بتحب بجد وفى بنات بتبيع حبيبها علشان واحد ممكن يحققلها امنيه معينة