الصداقة أو الصديق

Super Administrator

إن الصداقة من أثمن العلاقات وأعمقها، بل هي حلقة الوصل في جميع علاقاتنا مع من حولنا.
فالصداقة في معناها الحقيقي القرب لا البعد، الحب لا الكراهية، الصدق لا النفاق. فهذه هي علامات الصداقة إذا ظهرت عليك أو علي شخص تعتمد عليه وتحس أنك قريب منه ستكون صديق وفي بجد:
- الصديق الحقيقي هو الذي لا يجامل أو أن تنتهي علاقته معك لمجرد اختلاف في وجهات النظر أو جدال.

- الصديق الحقيقي هو الذي يمكنك أن تبكي أمامه، وتتبلل كتفاه من دموعك.

- الصديق الحقيقي هو الذي يقدم حلولاً ً لمشاكلك، لا التحدث فيها وإثارتها.

- الصديق الحقيقي هو الذي يساعدك في كل موقف عندما تكون سعيداً أو حزيناً ولا يكتفي بموقف المتفرج.

أما الحب او الحبيب

الحبيب

ذلك الشخص الذي تكون بالنسبة له الفرق ما بين الحياة والموت
ويتقبلك كما أنت
يرى اسوء عيوبك اجملها لديه
ذلك الشخص الذي يشعر انه ليش بهذا الكون سواك
انت هو و هو انت
قلب واحد ...ذات واحده
و الحب رمز
للإخلاص و الوفاء
التضحية و العهد والوعد ......

فأيهما بنظرك أصعب علينا خيانته لنا؟

انى اصعب بقى؟

اسكندرانى جديد

موضوع حلو يا امنيه انا شايفه انه الاتنين بس حاسه انه خيانه الحبيب اكتر بس حاسه انى غلط مش عارفه ليه وياريت كله يقول رايه انتى وعمرو وبوسى وبودى وميار كله يعنى عشان الموضوع حلو

Super Administrator

هما الاتنين خيانتك اصعب من بعض
بس انا راى ان الحبيب ممكن يتعوض لكن الصديق لالا

اسكندرانى جديد

انا برده رائى ذى رائيك يا امنية
على فكرة هو موضوع جميل اوى

عضو سوبر

لالالالالا
بالعكس انا مع ايمان خيانه الحبيب اصعب بكتيييييير اوى

والحبيب صعب يتعوض مش زى ما امنيه قالت

عشان الصديق ده بيكون من اختيار الواحد لكن الحبيب بيكون من اختيار القلب

يعنى لو صديقك خانك يبقى تشتم نفسك ان انتا اخترته يكون صديق ليك

Super Administrator

بس انت يا عمرو ممكن تعيش عمرك كله من غير حبيب وتفضل تدور عليه ولو اتجرحت منه ممكن تحب غيره
لكن متقدرش تعيش من غير صديق ولو خانك حتفقد الثقه ف كل الناس

اسكندرانى جديد

بصراحة نا لسه مصرة عل رائى
لان الحبيب لو خانك حتلاقى الف غيرة تحبه والقلب بختار كتير
عشان كده انا لما حبيت حبيت بعقلى
لان القلب ديما بينخدع فى مظهار كتير
ولما الحبيب يخونك حتروح على اقرب واحد ليك وهو الصديق
عشان تحكيله وتفضفض وديما الواحد بيحكى اسراره لصحابه
مش بيقولها لحبيبه لان الصديق هو كاتم الاسرار فتخيل لو خانك
وصعب اوى فى الدنيا دى انك تلاقى صاحب كويس يوقف جمبك
دلوقت كله بيقول يلا نفسى

اسكندرانى جديد

انا رأيى انا خيانة الحبيب اصعب بكتير من خيانة الصاحب وبالذات فى وقتنا ده لان مفيش صحاب بجد زى اللى امنية بتقول عليهم دلوقتى الصاحب ممكن تقوله كل حاجة عن كل اسرارك وممكن فى لحظة زعل يعلن كل اسرارك للناس وبعدين لو حبيبك كويس هيعوضك عن اى حد وعن الصديق لانه هيبقا دنيته كلها.

عضو سوبر

يا جامده يا ياسمين هو ده اللى بقول عليه

الحبيب هو اللى حيكون حياتك كلها مش الصديق

وفعلا مفيش صاحب الايام دى بحق وحقيق

لكن الحبيب هو اللى حيخاف عليكى اكتر من اى حد

اسكندرانى جديد

على العموم سوء الحبيب او الصديق الاتنين خينتهم صعبة
لانك عشت معهم وامنتهم على حاجات خاصة بيك
والخيانة مورة

عضو سوبر

اكيد الخيانه مش حلوة فى كلتا الحالتين بس فعلا انا شايف ان الحبيب خيانته اصعب

اسكندرانى جديد

خلاص ياعم الحبيب ايه الرومانسية اللى انت فيها دى
هو انت فى حد خانك قبل كده ولا ايه
ههههههههههههههههههههههه
انا بهزر طبعا اوعى تزعل منى ياعمرو

عضو سوبر

لالا والله اكيد مش حزعل منك يا سماء انا زى اخوكى

بس مش شرط اكون اتخانت عشان احس ان خيانت الحبيب اصعب بس فعلا انا بشوف ان الحبيب خيانته اصعب

وانا مع ياسمين جدا جدا جدا عشان الحبيب هو بيكون حياتك كلها واقرب انسان فى الدنيا ليكى

يبقى شور خيانته اصعب

اسكندرانى جديد

فى ناس يا عمرو مش بتشوف نفسها بتعمل ايه وبتشوف غيرهم بيعموا ايه ويقوله عليهم خاينين

بس كده يا عمرو اللى يخوون الناس يبقى هو اصلا خاين مش معنى كده انى ضدتك فى ان خيانه الحبيب اصعب

عشان هيا فعلا خيانه الحبيب اصعب بكتير

عضو سوبر

اوك يا بوسى المهم انك متفقه معايا ان خيانه الحبيب اصعب

Super Administrator

bosylove كتب:: فى ناس يا عمرو مش بتشوف نفسها بتعمل ايه وبتشوف غيرهم بيعموا ايه ويقوله عليهم خاينين

بس كده يا عمرو اللى يخوون الناس يبقى هو اصلا خاين مش معنى كده انى ضدتك فى ان خيانه الحبيب اصعب

عشان هيا فعلا خيانه الحبيب اصعب بكتير

حلوه اوى الجمله دى يا بوسى الى هى فى ناس بتشوف غيرها بتعمل ايه ومش بتشوف نفسها

اسكندرانى جديد

على العموم يا جماعة اى خيانة فى الدنيا صعبة
مش حلو ابدا ان الواحد يتخان من اى شخص بيحبه
سوء كان صديقه او حبيبه

اسكندرانى جديد

بصراحة انا رايى ان لو فى صديق بجد او حبيب بجد مش حيخون عشان كدة لو حد منهم خاننى مش حزعل علية بالعكس دى فرصة عشان اعرف انة مينفعش يكون حبيب او صديق

اسكندارنى نشيط

انا مع دودى لان سواء صديق او حبيب اللتنين انا حبيتهم من كل قلبي ووثقت فيهم واعتبرتهم جزء منى

لو حد فيهم خاننى سواء صديقة ليه او حبيب فاللتنين فى النهاية جرحونى

فميستهلوش انى ازعل عليهم يعنى مش هندم على حد فيهم

عضو سوبر

اكيد يا اسماء خيانه الاتنين وحشه بس هو انهى اصعب فيهم

الصديق ولا الحبيب

اسكندارنى نشيط

andyfay كتب:: اكيد يا اسماء خيانه الاتنين وحشه بس هو انهى اصعب فيهم

الصديق ولا الحبيب

شوووور الحبيب دى مفيش اختلاف عليها بس برضو خيانة الصديق صعبة كتييييير

عضو سوبر

صح يا اسماء
اول مره فى حياتك تتفقى معايا على راى واحد

Super Administrator

شكرا لردوركم وانتم كلكم عندكم حق